Facebook սոցիալական ցանցը 2018-ին կարող է արգելափակվել ՌԴ-ում: Այս մասին չորեքշաբթի՝ ապրիլի 18-ին, «Իզվեստիա»-ին տված հարցազրույցում ասել է «Ռոսկոմնադզորի» ղեկավար Ալեքսանդր Ժարովը:
Նա հաղորդել է, որ պարբերաբար հանդիպում է Facebook-ի ներկայացուցիչների հետ և 2018-ի փետրվարին հերթական բանակցություններին նա ևս մեկ անգամ հաստատել է գերատեսչության դիրքորոշումը:
«Ռոսկոմնադզորի» ղեկավարը նաև հարցականի տակ է դրել ՌԴ տարածքում Amazon և Google ընկերությունների աշխատանքը, որի IP հասցեները գերատեսչությունը ՌԴ տարածքում Telegram մեսենջերի աշխատանքն արգելափակելու փորձի հետ կապված սկսել է փակվել:
Telegram-ի հասանելիության սահմանափակման շրջանակում գերատեսչությունը փակել է ավելի քան 15 մլն IP հասցե, որոնց միջոցով ՌԴ բնակիչները կարողանում էին մեսենջերից օգտվել: