Իսպանացի ռոբոտատեխնիկ Սերխի Սանտոսը, որը ստեղծել է Սամանտա անունով առաջին սեքս ռոբոտին, անդրոիդի նոր ռեժիմ է ներկայացրել: Նոր գործառույթների շնորհիվ ռոբոտը կարող է պաշտպանվել մարդու ագրեսիվ պահվածքից: Այս մասին գրում է HighTech-ը:
Չնայած Սամանտան չի կարողանում շարժվել՝ անգամ գլուխը պտտել, այն զգայական սենսորներ ունի, որոնք արձագանքում են հպման ուժին: Երբ նրան հարգալից են վերաբերվում, սարքի ներքում աշխատող շարժիչը ցուցադրում է հետագա գործողություններին անդրոիդի համաձայնությունը:
Բացի այդ՝ Սամանտան կարողանում է «հիշել» օգտատիրոջ հետ փոխհարաբերությունների պատմությունը, ինչպես նաև վերլուծել տեղի ունեցածը: Սամանտայի ցուցիչներն այնպես են կարգավորված, որ այն պարզապես կարող է անջատվել, եթե տերն ագրեսիվ պահվածք դրսևորի:
Ներկայում Սամանտան նախատիպ է, սակայն շուտով անդրոիդը կհայտնվի լայն շուկայում: Սարքի մոտավոր արժեքը 4.000 դոլար է:
