Պաշտպանված Galaxy S9 Active-ը , որի շնորհանդեսը կայացել է այս տարի, կստանա 4000 մ/ա հզորությամբ մարտկոց: Սա մեկ երրորդով ավելին է քան օրիգինալ մոդելինը:
Ըստ տեղեկությունների, Galaxy S9 Active-ը կունենա 5.8 դյույմ 2960 х 1440 պիքսել էկրան, 8 միջուկանի Snapdragon 845 պրոցեսոր: Օպերատիվ հիշողությունը նախատեսված է հասցնել 4գբ-ի, իսկ ներկառուցված հիշողությունը` 64 գբ: Սմարթֆոնը ունի նաև հիշողությունը ավելացնելու հավելյալ կրիչի՝ MicroSD-ի հնարավորություն:
Հնարավոր է՝ Galaxy S9 Active-ը արտաքնապես էլ տարբերվի իր ավագ սերնդակցից: Ամենայն հավանականությամբ սմարթֆոնը կունենա կիսակարբոնատե և մետաղական կորպուս: Կորպուսի նման լուծումը սմարթֆոնը կդարձնի ավելի դիմացկուն:
Galaxy S9 Active-ն օգտատերերի դատին կհանձնվի օգոստոսին՝ Galaxy Note 9-ի թողարկումից առաջ: Այն վաճառվելու է միայն ԱՄՆ–ի որոշ տարածաշրջաններում:
