Samsung–ն օրերս թողարկել էր Gear Fit2 և Fit2 Pro–ի համար նախատեսված թարմացումներ։ Ֆիտնես թևնոցներն արդեն «կարողանում» են հետևել կալորիաների քանակին և թարմացվել է ինտերֆեյսը։ Հերթը նաև Gear IconX (2018) ականջակալներինն է։
Թարմացման առանձնահատկությունը այն է, որ օգտատերերը կարող են փոփոխել ականջակալի էկվալայզերը։ Առաջարկվում է 5 տարբեր օրինակ` Bass Boost, Clear, Dynamic, Soft և Treble Boost։
Այս լուծումները հիմնականում պետք կգան այն օգտատերերին, որոնք օգտագործում են այլ ընկերությունների արտադրած սմարթֆոններ։
Ականջակալների օգտատերերը կարող են կարգավորել նաև Ambient Sound–ը, որի շնորհիվ կարելի է կտրվել արտաքին միջավայրիվ և ընկղմվել երաժշտության աշխարհ։
Wireless Transfer տեխնոլոգիայի շնորհիվ էլ Bluetooth–ի միջոցով երգերը հնարավոր կլինի սմարթֆոնից «ուղարկել» ականջակալներ։
