Seaside Startup Summit UAE.Ras Al Khaimah. Հայտնի են հաղթող թիմերը

15.02.2018

Ամփոփվել են Seaside Startup Summit UAE.Ras Al Khaimah-ի արդյունքները։ Վրանային բիզնես ֆորումը, որն առաջին անգամ անցկացվել է Հայաստանում այս տարի փետրվարին անցկացվեց Հայաստանի սահմաններից դուրս։

Փետրվարի 8-ից 12-ը Սամմիթին մասնակցեցին 60 ստարտափներ աշխարհի տարբեր երկրներից։ Նրանք մասնակցեցին դասախոսությունների, մրցույթների և հնարավորություն ստացան շփվելու բիզնես ոլորտի հաջողակ ներկայացուցիչների հետ։ Մրցանակային ֆոնդը հասավ շուրջ 50,000 ԱՄՆ դոլարի, որը բաժանվեց 8 թիմերի միջև։

Բացի հիմնական մրցույթներից տեղի ունեցան նաև ոլորտային մրցույթներ՝ Սոցիալական, Էկո-Միլլեննիում, IoT + Խելացի քաղաք և AR/VR:

Big Battle.

1. AgroWave ($7000)

AgroWave–ի նպատակն է ապահովել ֆերմերների համար մրգերի և բանջարեղենի մատակարարման շղթայի օպտիմալացում`օգտագործելով հետազոտություններ, վերլուծություններ և նորագույն տեխնոլոգիաներ:

2. Autochain ($5000)

AutoChain-ը օգնում է կառուցել առողջ և վստահելի հարաբերություններ գնորդների ու վաճառողների միջև: Սա ապակենտրոնացված ծրագիր է, որը կառուցված է Ethereum blockchain տեխնոլոգիայի հիման վրա։

3. VR-zone ($3000)

Սա նախատեսված է, VR տեխնոլոգիայի կիրառությամբ, ճարտարապետների և պատվիրատուների հարաբերությունները հեշտացնելու համար։ VR-Zone-ը կօգնի նախագծային փոփոխությունները և դիզայներական լուծումներն ավելի արագ ու հեշտ ներկայացնելու ու պատկերացնելու հարցում։

Seed Battle.

1. Faylasof ($5000)

Faylasof–ը Մերձավոր Արևելքում ամենամեծ առցանց գրախանութներից մեկն է, որը թույլ է տալիս օգտագործողներին հեշտությամբ գտնել գրքեր։ Առաջարկում են ավելի քան 1 միլիոն արաբերեն և անգլերեն գրքեր` տուն առաքելու հնարավորությամբ։

2. Infinity Leather ($3000)

Սա հարթակ է, որը կոչված է առանց միջնորդների իրար կապել կաշվե էնտուզիաստներին անմիջապես արհեստավորների հետ` արդյունավետ համագորակցության հիմք տալով սպառողին ու արհեստավորներին։

3. DAFA ($2000)

DAFA (արաբերեն` «վճարել»): DAFA Micropayment Solution-ը ձգտում է հեղափոխել անկանխիկ վճարումների համակարգը։

Brand Battles

1. AR/VR` TruMaps ($4000)

Այս սթարթափն առաջարկում է թղթե քարտեզներում ներդնել վիրտուալ և լրացված իրականության օբյեկտներ` հաջորդ սերնդի թղթե քարեզներ ստեղծելու նպատակով։

2. Սոցիալական` Ligero ($4000)

Սա նախատեսված է շատ ճանապարհորդողների համար։ Այն կտրամադրի անհրաժեշտ տեղեկատվություն ուղեբեռերի թույլատրելիության մասին։

3. Էկո-Միլլեննիում` Agrowave ($4000)

4. IoT + Խելացի քաղաք` Autochain ($4000)

Նշենք, որ դեռ 2017-ի հոկտեմբերին ԱՄԷ-ում Startup Armenia հիմնադրամը համաձայնության հուշագիր ստորագրեց RAK Incubation and Accelarator-ի հիմնադիր Հիշամ Սաֆադիի հետ՝ Սամմիթն ԱՄԷ-ում անցկացնելու նպատակով։ Կազմակերպչական թիմը նոյեմբեր ամսից տեղափոխվեց ԱՄԷ և սկսեց բանակցություններ տեղի իշխանությունների և առևտրական կազմակերպությունների հետ։

Սամմիթն անցկացվեց «ԱՄԷ նորարարական ամսվա» շրջանակներում և դարձավ Ռաս Ալ Խայմա էմիրության գլխավոր միջոցառումը։ Սամմիթի աջակիցների շարքին ավելացան տեղական պետական մարմիններ, որոնց թվում ՝ «Ռաս Ալ Խայմա տնտեսական գոտի», «Ռաս Ալ Խայմա տնտեսական զարգացման դեպարտամենտ» և այլն։

Սամմիթն անցկացվեց Ռաս Ալ Խայմա Էմիերության ղեկավար Շեյխ Սաուդ Բին Սաքր Ալ Քասիմիի բարձր հովհանու ներքո։ Առաջին միջազգային Սամմիթն ուներ նաև պետական աջակցություն Հայաստանից։ Առաջին իսկ Սամմիթից նախագծի կայացմանը աջակցել է «Հայաստանի ՓՄՁ զարգացման ազգային կենտրոնը»։ ԱՄԷ-ում միջոցառմանը մասնակցեցին նաև Տրանսպորտի, Կապի և ՏՏ նախարար Վահան Մարտիրոսյանը, Սպորտի և Երիտասարդության փոխնախարար Արսեն Քարամյանը և «Սևան Ազգային ՊՕԱԿ»-ի տնօրեն Վահե Գուլանյանը։

Նունե Գրիգորյան