Twitter-ի հավելվածի հեղինակները նոր գործառույթների բետա տարբերակի թեստավորում են սկսել։ Թեստավորմանը մասնակցում են թիրախավորված օգտատերերի խումբ։
Միկրոբլոգը թեստավորում է պատասխանների սորտավորման նոր ալգորիթմ՝ այսուհետ օգտատերերի ընկերների պատասխանները կտեղակայվեն մեկնաբանությունների վերին հատվածում։
Twitter-ի նոր տարբերակում գլխավոր էջից կանհետանան նաև «ընտրված», «պատասխան» և «ռեթվիթ» կոճակները։ Դրանք տեսնելու համար օգտատերերը պետք է սեղմեն հրապարակման վրա։
Ընկերության ներկայացուցիչները հայտարարել են, որ նոր գործառույթների շնորհիվ հավելվածն ամբողջությամբ վերափոխված տարբերակ կունենա։