Մայիսի 17-ին, ժամը 11:00-ից, Հայ-հնդկական ՏՀՏ գերազանցության կենտրոնում (Ալեք Մանուկյան 1, ԵՊՀ Մաթեմատիկայի և մեխանիկայի ֆակուլտետ, 1-ին հարկ) մեկնարկեց «ՈԶՆԻ 2018» ամենամյա դպրոցական համակարգչային մրցույթը:
Մրցույթի նպատակն է՝
- բացահայտել աշակերտների համակարգչային կարողություններն ու հմտությունները, հնարավորություն տալ նրանց համակարգչային ծրագրերի միջոցով արտահայտելու իրենց նորարարական գաղափարները, ստուգելու սեփական կարողությունները
- ստեղծել հարթակ մարզերի և մայրաքաղաքի ուսուցիչների համագործակցությանևփորձիփոխանակմանհամար
- խթանել դպրոցներում ՏՀՏ ոլորտի զարգացումը։
2010թ․-ին ստեղծված «Ոզնի» մրցույթին այս տարի մասնակցում էին 6-11-րդ դասարանների 438 աշակերտներ՝ Երևանի 45 և ՀՀ մարզերի 116 դպրոցներից, ինչպես նաև ՀՀ որոշ ուսումնական հաստատություններում գործող ռոբոտաշինության խմբակներից (95 աշակերտ), որոնք աշխատեցին «Աղուէս», «Կրիայ» համակարգչային ծրագրով: Վիճակահանության միջոցով մասնակիցները ընտրեցին իրենց աշխատանքի թեման և սահմանված ժամանակի ընթացքում ներկայացրին այն:
Այս ծավալի մրցույթն առանձնահատուկ է նրանով, որ մասնակցության վճար չի գանձվում: «Ոզնի» ամենամյա համակարգչային մրցույթն իր ձևաչափով միակն է:
Մրցույթի հեղինակ-կազմակերպիչներն են՝ Ռուզան Նիկոյանը և Մարիաննա Թովմասյանը
Մրցույթի գլխավոր աջակիցն է՝ Ձեռնարկությունների ինկուբատոր հիմնադրամի Հայ- հնդկական ՏՀՏ գերազանցության կենտրոնը:
Մրցույթի տեղեկատվական աջակիցը՝ Կրթական տեխնոլոգիաների տզգային կենտրոնը (ԿՏԱԿ)
