ԱՄՆ արտոնագրերի և ապրանքանիշների հանձնաժողովը (USPTO) հրապարակել է Samsung ընկերության կողմից ներկայացված նոր արտոնագրի հայտը, որը վերաբերում է բջջային էլեկտրոնիկայի ոլորտին:
Փաստաթուղթը վերնագրված է որպես «Կրելի էլեկտրոնային սարք» (Wearable Electronic Device): Այս անվան տակ թաքնված են աուդիոականջակալներ, որոնք ստեղծված են վզնոցի տեսքով` հարմարեցված պարանոցին կրելու համար:
Ըստ Samsung-ի մտահղացման՝ օգտատերերը կկարողանան օգտագործել ականջակալները մի քանի ռեժիմով` հեռախոսազանգեր կատարելու և երաժշտություն լսելու համար:
Սարքը կաշխատի ներկառուցված մարտկոցի շնորհիվ: Այն կարող է նաև համալրվել ձայնի ճանաչման ֆունկցիայով, որը թույլ կտա օգտատերերին ձայնային հրահանգներ տալ սարքին:
Հավանաբար, սարքը համալրված կլինի նաև ֆլեշ հիշողությամբ, որը թույլ կտա երաժշտական ձայնագրություններ պահպանել դրանում:
Արտոնագիր ստանալու հայտը ներկայացվել էր դեռևս անցած տարվա օգոստոսին, սակայն սարքի թողարկման մասին դեռ ոչ մի խոսք չկա:
Աղբյուրը` USPTO