Skype-ի համահիմնադիր Յանուս Ֆրիսը (Janus Friis), գլխավոր մենեջեր Ջոնաթան Կիստենսենը (Jonathan Christensen) և դիզայներ Պրիդու Զիլմերը (Priidu Zilmer) թողարկել են Wire մեսինջերը, որը նրանք անվանում են «հաջորդ սերնդի մեսինջեր»: Նշենք, որ սա ինքնուրույն նախագիծ է և կապ չունի Skype-ի հետ:
Wire-ի միջոցով կարելի է ուղարկել տեքստային հաղորդագրություններ և զանգեր կատարել նրանց, ովքեր նույնպես օգտագործում են այս ծրագիրը: Հաղորդագրություններին կարելի է կցել YouTube-ի տեսանյութեր, SoundCloud-ի երգեր ու նկարներ: Ստեղծողների խոսքով` Wire-ը տարբերվում է գեղեցիկ դիզայնով, չատում ուղարկված նկարները բացվում են ամբողջ էկրանով, իսկ երկխոսության ֆոնում զրուցակցի նկարն է:
Ներկա պահին Wire-ը հասանելի է iOS 8-ի, Android 4.4-ի (և բարձր) և OS X-ի համար: Մոտակա ժամանակներում հավելվածը հասանելի կլինի նաև վեբ-տարբերակով:
Աղբյուրը` Blog.wire.com