Facebook սոցցանցը հայտնել է, որ այսուհետ սոցցանցի @facebook.com էլեկտրոնային փոստի ծառայությունը կդադարի գործել:
Հիշենք, որ յուրաքանչյուր օգտագործող գրանցվելիս, ավտոմատ կերպով ստանում էր @facebook.com հասցեով էլ.փոստ: Սակայն այս ծառայությունից իրականում շատ քչերն են օգտվել, այդ իսկ պատճառով, սոցցանցը որոշել այն «թոշակի ուղարկել»:
Ինչպես հաղորդում է Cnet-ը, Facebook-ի ներկայացուցիչը տեղեկացրել է, որ ծանուցում-զգուշացումներ է ուղարկում ծառայության փակման մասին բոլոր այն օգտագործողներին, ովքեր օգտվում էին սոցցանցի էլ.փոստից:
Սակայն ծառայությունը ոչ թե ամբողջովին է վերանում, այլ հակառակը շարունակելու է գործել՝ միայն փոփոխված տարբերակով:
Այսուհետ եթե դուք նամակ եք ուղարկում Facebook-յան էլ.փոստի, վերջինս հայտնվում է ոչ թե օգտագործողի Facebook հաշվի նամակներում, այլ իրական էլ.փոստի՝ Gmail, Yahoo կամ այլ մուտքային նամակներում:
Աղբյուրը՝ cnet.com
