Ռուսական օնլայն գրադարաններ Flibusta.net, Litmir.net և ճանաչված տորենտ թրեքեր Rutracker.org-ը կարող են մշտապես արգելափակվել: Ինչպես գրում է Fera.ru, «Էկսմո» հրատարակչությունը դատական երեք հայց է ներկայացրել վերոհիշյալ կայքերի դեմ:
Հիշենք, որ 2015-ի մայիսի 1-ին Ռուսաստանում ուժի մեջ մտավ «հակահենային» օրենքը, որը վերաբերում է թե՛ երաժշտական պրոդուկտներին, թե՛ գրքերին և թե՛ ծրագրային ապահովմանը: Հեղինակային իրավունքների պարբերական խախտումների դեպքում, օրենքը թույլ է տալիս ընդմիշտ արգելափակել գողացված բովանդակությամբ կայքերը:
Համաձայն հայցի, Rutracker.org-ը խախտել է 4 ռուս գրող-հեղինակների հեղինակային իրավունքները: Սա առաջին անգամ չէ, որ վերոհիշյալ կայքերը դատական ատյանում են: Եթե դատարանը 2-րդ անգամ էլ բավարարի հայցվորին, ապա Rutracker.org-ը ընդմիշտ կարգելափակվի:
Աղբյուրը՝ fera.ru
