Փետրվարի 9-ը նշվում է որպես «Անվտանգ համացանցի համաշխարհային օր»: Այս տոնի կապակցությամբ Google ընկերությունն իր Google Drive ամպային պահոցի բոլոր օգտատերերին հնարավորություն է տալիս ստանալ հավելյալ 2 ԳԲ ազատ տարածություն:
Ինչպես հայտնի է, Google-ում գրանցված ցանկացած օգտատեր ստանում է 15 ԳԲ ազատ տարածություն Drive-ում, որը նախատեսված է նկարների, փաստաթղթերի, նամակների և այլ ֆայլերի պահպանման համար:
Հավելյալ 2 ԳԲ տարածություն ստանալու համար անհրաժեշտ է մուտք գործել հետևյալ հղմամբ և անցնել սեփական հաշվի անվտանգության ստուգման գործընթացը: Դա կտևի ընդամենը մի քանի րոպե: Ամբողջ գործընթացն իրենից ներկայացնում է հեռախոսահամարի ստուգում, հավելյալ էլեկտրոնային հասցեի ստուգում, միացված սարքերի և հավելվածների հաստատում:
Ստուգման վերջում Google-ը տրամադրում է հավելյալ տարածությունը, ինչի մասին վկայում է ներքևում հայտնված հաղորդագրությունը:
Աղբյուրը` Androidpolice
