Twitter-ում հայտնված First View նոր հնարավորությունը մարկետոլոգներին թույլ կտա վճարել և հայտնվել կայքի լրահոսի ամենավերին մասում: Յուրաքանչյուր գովազդատու կարող է այսպես հայտնվել էջի վերևում 24 ժամ շարունակ, ընդ որում՝ գովազդները կցուցադրվեն հաջորդաբար:
Ընկերությունը չի հայտնել, թե ինչքան կարժենա մեկ գովազդը, բայց, հավանաբար, այն կլինի ամենաթանկ հնարավորություններից մեկը:
First View-ն, սակայն, առայժմ հասանելի չէ բոլորին, ընկերությունն այն կիրառում է միայն որոշակի օգտատերերի համար ԱՄՆ-ում, ովքեր Twitter-ում բարձր ակտիվություն ունեն:
Աղբյուրը՝ Twitter