Արդեն մի քանի շաբաթ է Facebook սոցիալական ցանցի և Cambridge Analytica բրիտանական ընկերության շուրջ սկանդալը չի դադարում ակտուալ լինել։ Ընկերության ներկայացուցիչներն անգամ Մարկ Ցուկերբերգն անգամ ներողություն են խնդրել օգտատերերից։ Սակայն, սոցցանցային խառնաշփոթը չի դադարում։ Այս անգամ էլ ընկերությունը խոստացել է այսուհետ երբեք ոչ մեկին չվաճառել իր օգտատերերի անձնական տվյալները: Հայտարարությունը հրապարակված է ընկերության Facebook-յան պաշտոնական էջում։
«Մենք այլևս երբեք չենք վաճառի ձեր տվյալները որևէ մեկին: Բացի այն, որ մենք պատասխանատվություն ենք կրում անձնական տեղեկատվության ամբողջական և անվտանգ պահպանման համար, նաև խիստ սահմանափակումներ ենք ստեղծում դա իրականացնելու համար», – գրված է հաղորդագրության մեջ:
Հիշեցնենք, որ անձնական տվյալների արտահոսքի սկանդալից հետո բազմաթիվ օգտատերեր ջնջել են իրենց հաշիվները սոցցանցից։