Google News-ի փոխնախագահ Ռիչարդ Գինգրասը հայտնել է, որ հնարավոր է որոնողական լրատվական համակարգը այլևս չգործի Եվրամիության տարածքում՝ բարձր հարկերի պատճառով: Ընկերությունը, չնայած այս քայլը համարում է անցանկալի, բայց ստիպված կլինի նման քայլի գնալ:
«Google News-ը չունի գովազդային բաժին և, հետևաբար, շահույթ բերող նախագիծ չէ: Սա արժեքավոր է հասարակության համար»,— նշել է նա:
ԵՄ-ի տարածքում գործունեությունը դադարեցնելու որոշումը ընկերությունը կընդունի, երբ ամնողջությամբ ծանոթանա ընդունած օրենքին ու փաստաթղթերին:
Ավելի վաղ Եվրախորհրդարանի օրենսդրության կոմիտեն հավանություն էր տվել համացանցի գեղարվեստական և լրատվական կոնտենտի համար հեղինակներին արտոնագրի վճար սահմանելուն: