Apple ընկերությունը պատրաստվում է հրաժարվել Intel-ի պրոցեսորներից, որոնք կիրառվում են Mac համակարգիչների արտադրության ժամանակ։ Խնձորային կայսրությունում ցանկանում են դրանք փոխարինել սեփական արտադրության ARM պրոցեսորներով։ Bloomberg-ի տվյալներով, Apple-ը կարող է հայտարարել ամենամյա WWDC կոնֆերանսի ժամանակ, որը սկսվելու է հունիսի 22-ին։ Սակայն, համաձայն աղբյուրների, անոնսը դեռ կարող են հետաձգել։
Կարևոր է ընդգծել, որ Apple-ը սեփական պրոցեսորներն օգտագործում է Iphone սմարթֆոնների ու iPad պլանշետների վրա։ Այն որ ընկերությունը ցանկանում է կապերը խզել Intel-ի հետ ու ամբողջությամբ անցնել սեփական արտադրության պրոցեսորների, հայտնի էր դարձել դեռ 2018-ի ապրիլին։ Այն ժամանակ նշում էին, որ սա Apple-ի ստրատեգիայի մի մասն է, որը պետք է մեծացնի ընկերության սարքավորումների միջև փոխգործակցության հնարավորությունները։ Այդ ժամանակ Apple-ն ապահովում էր Intel-ի տարեկան եկամուտի 5%-ը։
Ավելի թարմ արտահոսքը խոսում է այն մասին, որ ընկերության սեփական արտադրության պրոցեսորով աշխատող առաջին Mac-ը շուկայում կհայտնվի արդեն հաջորդ տարի։ Apple-ը մշակում է երեք տեսակի պրոցեսոր, որով համալրված կլինեն նոր համակարգիչները, այն էլ A14 հիմքով։ Այդպիսի պրոցեսորներ այժմ օգտագործվում են ընկերության սմարթֆոններում։ The Verge-ը գրում է, որ նոր պրոցեսորները շատ բարձր ցուցանիշներ են ցույց տվել։ Այն մի քանի անգամ գերազանցում է Intel-ի արտադրած չիպերին։ Դրանք ավելի մեծ արտադրողականություն ու էներգաէֆեկտիվություն են ցույց տվել։
