Գունավոր ու բացառիկ. վերականգնվել է 1962 թ.–ի Յուրի Գագարինի ելույթի տեսաձայնագրությունը

Տիեզերք մարդու առաջին թռիչքի 60-ամյակի կապակցությամբ RT հեռուստաընկերությունը պատրաստել է եզակի տեսագրություն ՝ Յուրի Գագարինի խոսքը նրա սխրանքի առաջին տարեդարձի կապակցությամբ:

1962 թվականին Գագարինի շնորհավորական ուղերձը ձայնագրվել է 35 միլիմետրանոց կինոժապավենով և հեռարձակվել հեռուստատեսությամբ:

Շնորհիվ նորագույն տեխնոլոգիայի ՝ հաջողվել է վերականգնել և գունավորել արխիվային կադրերն ու ձայնը։ Տարիներ անց մարդիկ հնարավորություն ունեն նոր գույներով տեսնելու ու լսելու աշխարհում առաջին տիեզերագնացին։

Ուղիղ 60 տարի առաջ ապրիլի 12-ին տեղի ունեցավ մի իրադարձություն, որը շրջադարձային դարձավ համաշխարհային պատմության մեջ։ Տիեզերանավը, որի մեջ Յուրի Գագարինն էր, առաջին անգամ թռիչք կատարեց դեպի տիեզերք։

Խորհրդային կոնստրուկտորներն այն ժամանակ ցույց տվեցին հայրենական տեխնոլոգիաների անվիճելի առավելությունն ու ԽՍՀՄ-ը դարձրին առաջին տիեզերական տերությունը: Իսկ Գագարինի թռիչքի 108 րոպեները հերոսության օրինակ են դարձել նրա հետևորդների համար։