CharaChorder ստարտափը գործարկել է CharaChorder Lite «խելացի» ստեղնաշարի նոր նախագիծը։
Մշակողները պարզեցրել են տեքստի տպագրության համար նախատեսված համակարգը` հնարավորություն տալով մեկ հպումով ամբողջական բառեր տպագրել։
Նոր CharaChorder Lite-ը նման է սովորական ստեղնաշարի, սակայն այն օգտատերերին հնարավորություն է տալիս մուտքագրել ամբողջական բառեր և տեքստեր:
Բացի այդ, նախադասության բառերը կարող են չլինել ճշգրիտ հերթականությամբ, քանի որ նոր տեխնոլոգիան ուղղում է բառերի հերթականությունը։
Ենթադրվում է, որ օգտատերերը ստեղնաշարի օգնությամբ կկարողանան ավելացնել տեքստի տպագրման արագությունը՝ րոպեում 40-ից հասցնելով մինչև 250 բառի:
Նշվում է, որ ստեղնաշարն արժե 299 դոլար։