Facebook Inc-ը քայլեր է ձեռնարկում` օգտագործողների ուղղակի արձագանքը հաշվի առնելու համար, որպեսզի նորությունների իր ժապավենը (News Feed) նրանց նախասիրություններին համապատասխան կազմակերպի:
News Feed-ը, որը ընկերներից եւ ընկերություններից հաղորդագրություններ է պարունակում, առաջինն է, որ տեսնում են օգտվողները բջջային հավելվածում իրենց հաշիվը բացելիս կամ կայք այցելելիս:
Ընկերությունն ամբողջ աշխարհում թեստեր է անցկացնում, որպեսզի օգտվողներից ավելի կոնկրետ արձագանքներ ստանա այն մասին, թե ինչ են ուզում նրանք տեսնել, գրում է Facebook-ն իր բլոգում:
Facebook-ը նաեւ հայտարարել է, որ կուսումնասիրի շատ զայրացած արձագանքներով գրառումները եւ օգտվողներին կհարցնի, թե որ բովանդակությունն են ուզում ավելի քիչ տեսնել: