Շքեղ դասի մեքենաներ արտադրող Rolls Royce ընկերությունը ներկայացրել է Phantom մոդելի եզակի տարբերակը` Oribe անվանումով, որը մշակվել է ճապոնացի գործարարի և հավաքորդ Յուսակու Մաէձավայի հատուկ պատվերով: Ինչպես հաղորդում է Motor.ru-ն, ավտոմեքենայի ստեղծման գործում մասնակցություն են ունեցել Hermes ֆրանսիական նորաձևության տունը:
Համագործակցության շրջանակում բրիտանական մեքենաշինական հսկան և ֆրանսիական ընկերությունը փորձել են ստեղծել այնպիսի մոդել, որն ընդգծում է սեփականատիրոջ նախասիրությունը` սերը հնագույն ճապոնական կերամիկայի հանդեպ: Դրա համար մասնագետները Phantom մոդելը ձեռքով են հավաքել և գունավորել են երկու երանգով` կանաչ (Oribe Green) և հատուկ գործարարի համար ստեղծված կրեմագույնով, որոնք օրիբե ոճով պատրաստված կերամիկական սպասքի հիմնական գույներն են:
Նորաձևության տունն օգնել է մեքնայի սրահի ձևավորման հարցում. ղեկանիվը, բռնակները, փոխանցման տուփի լծակը պատվել են Hermes բրենդի կաշվով: