Սոցցանցում մեծ տարածում է գտել բարձրտեխնոլոգիական լվացարանը` համալրված սմարթֆոնը ախտահանելու հատուկ գործառույթով: Նշվում է, որ սմարթֆոնը ախտահանվում է, մինչ օգտատերը լվանում է ձեռքերը:
Ինչպես ներկայացնում է Oddity Central-ը, նորարարության մասին շատ տեղեկություն չկա, միայն սոցցանցում տարածվող տեսանյութերն են: Հրապարակված կադրերում երևում է, որ օգտատերը սմարթֆոնը տեղադրում է լվացարանի` հատուկ հեռախոսի համար նախատեսված հատվածում և լվանում ձեռքերը հոսող ջրի տակ:
Այդ ընթացքում ուլտրամանուշակագույն ճառագայթները մաքրում են սմարթֆոնը հնարավոր վիրուսներից և մանրէներից:
