Tesla-ի գործադիր տնօրեն Իլոն Մասկը հայտարարել է, որ ընկերությունը կարող է վերսկսել բիթքոինի ընդունումը որպես վճարման միջոց, հաղորդում է Reuters-ը:
Gazeta.ru-ի փոխանցմամբ՝ ձեռնարկատերը շեշտել է, որ ավելի կանաչ, վերականգնվող էներգիայի աղբյուրները գնալով ավելի շատ են օգտագործվում բիթքոինի արդյունահանման ոլորտում:
«Ես ուզում էի մի փոքր ավելի պատշաճ ջանասիրություն ցուցաբերել հաստատելու համար, որ վերականգնվող էներգիայի օգտագործման տոկոսը, հավանաբար, կլինի 50% կամ ավելի, և որ այս թվի մեջ կա վերելքի միտում, և եթե այո, ապա Tesla-ն կվերսկսի բիթքոինների ընդունումը», – ասել է Մասկը B-Word համաժողովում:
Tesla- ն մայիսին հայտարարեց, որ կդադարի բիթքոիններ ընդունել ավտոմեքենաների վաճառքի համար:
Դրանից հետո Մասկը պարզաբանեց, որ կրիպտոարժույթը ինքնին լավ գաղափար է, բայց դրա օգտագործումը չպետք է «թանկ լինի շրջակա միջավայրի համար»: Այս հայտարարության ֆոնին բիթքոինի փոխարժեքը փլուզվեց:
