Թարմացված iOS օպերացիոն համակարգը՝ 15.4 տարբերակով, iPhone-ին նոր գործառույթների հնարավորություն կտա: Apple-ի սմարթֆոնների համար նորարության մասին հայտնում է «ՌԻԱ Նովոստի»-ն՝ հղում անելով ծրագրավորողներին:
Խոշոր փոփոխությունն է սպասվում Face ID համակարգին, որին սովորեցրել են օգտատիրոջը ճանաչել դիմակով: «Այֆոնի» ինֆրակարմիր սկաները կկարողանա հաշվարկել աչքի շուրջ գտնվող հատվածի յուրահատկությունները: Հայտնի է, որ նորարությունը կվերաբերի միայն iPhone 12 և 13 մոդելներին:
Այլ նորարությունների թվում նշվում է պարտադիր 120 Գհ հաճախականությունը միայն iPhone 13 Pro և Pro Max մոդելների հավելվածներում:
Թարմացված iOS-ը ներբեռնման համար հասանելի կլինի մարտին: Ակնկալվում է, որ դա տեղի կունենա ամերիկյան տեխնոլոգիական հսկայի գարնանային շնորհանդեսից հետո, որի ժամանակ ներկայացվելու են iPhone SE3-ը, iPad Air-ը և այլ նորույթներ: