Facebook սոցիալական ցանցը գործարկել է նոր հակավիրուսային ծառայություն՝ Malware Checkpoint-ը: Այս մասին հաղորդում է Facebook Security էջը:
Այս ծառայությունը նախատեսված է այն օգտագործողների համար, ովքեր կասկածում են համակարգչում վնասակար ծրագրերի հնարավոր առկայության մասին: Malware Checkpoint-ը ժամանակավոր արգելափակում է օգտագործողի Facebook էջը, որպեսզի վիրուսը օգտագործողի անունից սպամ-նամակներ չտարածի:
Ապա համակարգը կատարում է ստուգում և ջնջում վիրուսը համակարգչում առկա որևէ հակավիրուսային ծրագրի միջոցով՝ Microsoft Security Essentials-ի կամ McAfee Scan- ի: Օգտագործողի էջի ակտիվացումը կատարվում է անմիջապես համակարգչի ապաքինումից հետո:
Հիշենք, որ 2012թ. ապրիլին Facebook-ը գործարկել էր էջ՝ անվճար հակավիրուսային արտադրանքներով՝ Microsoft, McAfee, Symantec, Trend Micro և այլն: