«ԱրմենՏել»-ը հայտարարում է, որ ընկերության վաճառքի և սպասարկման գրասենյակներում արդեն հասանելի են 4FF-Nano-SIM նոր ձևաչափով SIM-քարտեր: Nano-SIM քարտերի վաճառքը միաժամանակ մեկնարկել է Beeline բոլոր գրասենյակներում:
Nano-SIM քարտերով աշխատող առաջին սարքերն են Apple ընկերության Iphone 5 սմարթֆոնը և iPad mini պլանշետը: Տեխնիկական բնութագրերի և հիշողության ծավալով nano-SIM նորարար քարտը չի տարբերվում իր նախորդից: Սակայն նոր SIM-քարտերը չափով ավելի փոքր են. այստեղ բացակայում են պլաստիկ անկյունները:
Beeline հաճախորդները կարող են ձեռք բերել նոր SIM-քարտ կամ փոխել գործողը համաձայն բաժանորդի սակագնային փաթեթի: Մասնավորապես, հետվճարային հաշվարկային համակարգի բաժանորդների համար nano-SIM քարտի արժեքը կազմում է 500 դրամ, իսկ կանխավճարային հաշվարկային համակարգի բաժանորդների համար` 150 դրամ:
Լրացուցիչ տեղեկատվություն կարելի է ստանալ Beeline վաճառքի և սպասարկման գրասենյակում:
