Google-ը թարմացրել է իր ծառայությունների օգտագործման պայմանները, որոնք ուժի մեջ են մտել այսօր՝ նոյեմբերի 11-ին: Ըստ փոխված պայմանների՝ այսուհետ ընկերությունը իրավունք կունենա օգտագործողների անունները, նկարներն ու «+1»-երն օգտագործել գովազդներում:
Օրինակ՝ օգտագործողներն արդեն կարող են տեսնել, թե ինչ գնահատական են դրել իրենց ընկերները, օրինակ, Google Play-ում տեղադրված որևէ հավելվածի կամ մոտակայքում գտնվող ռեստորանի:
Նշենք, սակայն, որ 18 տարին չլրացած օգտագործողների տվյալները չեն օգտագործվի գովազդներում:
Այս փոփոխությունն այնքան էլ լավ չի ընդունվել ինտերնետ-հանրույթի կողմից: Որպես բողոք՝ շատ օգտագործողներ որպես գլխավոր նկար դրել են Google-ի ղեկավար Էրիկ Շմիդտի նկարը, որպեսզի այն հայտնվի գովազդներում:
Աղբյուրը՝ digit.ru