![Photo by AFP](https://ittrend.am/wp-content/uploads/Twitter2-150x150.jpg)
Twitter միկրոբլոգային ծառայությունը շուտով թույլ կտա խմբագրել արդեն հրապարակված գրառումները, սակայն հնարավոր կլինի միայն անել սահմանափակ քանակով ուղղումներ: Այս մասին հաղորդում է SlashGear-ը՝ հղելով Twitter-ի անանուն գործընկերներին:
Հիշեցնենք, որ Facebook սոցցանցում նման ֆունկցիա գործարկվել է վաղուց. այն թույլ է տալիս ոչ միայն փոխել տեքստը, այլև հրապարակման ամսաթիվն ու վայրը: Իսկ Twitter-ում հնարավոր կլինի օգտվել խմբագրման ֆունկցիայից հրապարակումից հետո մի քանի ժամվա ընթացքում, որից հետո ֆունկցիան հասանելի չի լինի:
Սպասվում է, որ նորամուծությունը հասանելի կդառնա մոտակա ամիսների ընթացքում, սկզբնական շրջանում դրանից օգտվել կկարողանան միայն աստղերն ու ճանաչված մարդիկ, ինչպես նաև մեդիա-ընկերությունները:
Աղբյուրը՝ TechCrunch.com