Windows 10 օպերացիոն համակարգը, որը կթողարկվի հուլիսի 29-ին, կունենա ավտոմատ բեռնման ու տեղադրման ֆունկցիա: Այս մասին գրում է The Register կայքը` հղում անելով Microsoft-ի լիցենզիոն համաձայնագրի համապատասխան կետին:
«Ծրագրային ապահովումը պարբերաբար ստուգում է ՕՀ-ի և հավելվածների թարմացումների առկայությունն ու ավտոմատ տեղադրում դրանք: Ընդունելով օգտագործման պայմանագիրը` դուք համաձայնվում եք ավտոմատ տեղադրման հետ»,-ասվում է փաստաթղթում:
Բեռնումից ու տեղադրումից հետո օգտագործողին կառաջարկվի վերագործարկել համակարգիչը: Ընդ որում` թարմացման ավտոմատ բեռնումից հրաժարվել հնարավոր չէ:
Վերոնշյալը վերաբերվում է միայն ՕՀ-ի Windows 10 Home տարբերակին: Բիզնես տարբերակը` Windows 10 Pro օգտագործողները կկարողանան հետաձգել նոր ՕՀ-ի բեռնումն ու տեղադրումը:
Աղբյուրը` The Register
