Xiaomi և Apple ընկերությունները ձեռքի էլեկտրոնիկայի շուկայում առաջատար են համարվում։ 2018–ի առաջին եռամսյակի տվյալներով պարզ է դարձել, որ Apple–ն առաջ է անցել և Xiaomi–ն թողել է երկրորդ հորիզոնականում։ Canalys ընկերության վերլուծաբան Ջեյսոբ Լոուն համարում է, որ նման առաջընթացի գրավականը ըներության համար եղել է LTE– հնարավորությամբ Apple Watch 3–ը, որն ընկերությունը վաճառել է մեծ քանակով։
Այդ ընթացքում Xiaomi–ի վաճառքի ցուցանիշի 90 տոկոսը Mi Band–ին է պատկանում։ Հատկապես` Mi Band 2–ին։ Թոփ 5–ում են հայտնվել նաև Fitbit, Garmin և Huawei ընկերությունները։ Ընդհանուր առմամբ ձեռքի էլեկտրոնիկայի շուկան շուրջ 35 % աճ է գրանցել։ Ամբողջ շուկայում գնվել է շուրջ 20,5 միլիոն տեխնիկա, որից 80 տոկոսը խելացի ժամացույց։