Ռուսաստանում անցկացվելիք Աշխարհի առաջնությանն ընդառաջ Apple-ը Siri-ին վերածել է ֆուտբոլային գիտակի:
Վերջերս Apple-ի ձայնային օգնականը խոշոր թարմացում է ստացել Բրազիլիայի, Մալազիայի, Ֆինլանդիայի և Ռուսաստանի տարածաշրջանների համար: Այժմ այն կարող է շատ բան պատմել ֆուտբոլային խաղերի, մրցող թիմերի մասին:
Ֆուտբոլի երկրպագուները կարող են Siri-ից պարզել, թե երբ տեղի կունենա մոտակա խաղը, որ թիմերի միջև, ովքեր են ընդգրկված մեկնարկային կազմում և այլն:
Ավելին՝ App Store-ում ֆուտբոլի հետ կապված հավելվածների բաժին է ստեղծվել, որն ունի թարմ նորություններով լրահոս: Նույնը վերաբերում է նաև Apple Books-ի պոդկաստ ծառայությանը: Այստեղ կհայտնվի ֆուտբոլին նվիրված գրականության և հաղորդումների մի ամբողջ ժողովածու:
