AppleInsider-ի լրագրողները փոքրիկ թեստ են անցկացրել՝ համամետելով iPhone XS Max-ի և Samsung Galaxy Note 9-ի բարձրախոսերը: Ձայնի որակը փորձարկել են Fortnite խաղում:
Թեստավորման հոլովակը հասանելի է AppleInsider-ի YouTube-յան էջում: Սեպտեմբերի 12-ին՝ Apple-ի պաշտոնական շնորհանդեսի ժամանակ, ընկերության ներկայացուցիչները նշել էին, որ iPhone XS և XS Max մոդելներում ձայնի որակն առաջնային դիրքերում է:
Թեստավորման արդյունքում լրագրողները պարզել են, որ խնձորային բրենդի մոդելներում ձայնի որակն ավելի լավն է, քան Samsung Galaxy Note 9-ում: Սա այն դեպքում, երբ հարավկորեական տեխնոհսկայի սմարթֆոնում կա ձայնի որակը կարգավորող հատուկ կետ՝ Dolby Atmos:
XS Max-ում ոչ միայն ձայն ավելի ուժգին է հնչում, այլ նաև մաքսիմալ բարձրության վրա շարունակում է հստակ փոխանցել բոլոր հնչյունները: