Վաղուց արդեն նորություն չէ, որ Vivo-ն աշխատում է իր առաջին խելացի ժամացույցի նախագծի վրա։ Թեև թողարկման հստակ ամսաթիվը դեռ հայտնի չէ, սակայն շնորհիվ այս գծանկարների, արդեն հնարավոր է գնահատել դրանց արտաքին տեսքը։
![](https://ittrend.am/wp-content/uploads/2020/05/EXOJ-n2WsAcLWLK_large-1024x472.jpg)
![](https://ittrend.am/wp-content/uploads/2020/05/EXOJ-n2WsAAMOC4_large-1024x372.jpg)
Նկարներից պարզ է դառնում, որ Vivo-ի առաջին խելացի ժամացույցը կլոր դիսփլեյ կունենա։ Ժամացույցի աջ կողմում երկու կոճակ կա, իսկ ձախ հատվածում ղեկավարման ոչ մի կոճակ կամ սենսոր չկա։ Vivo Watch-ի հետին մասում հատուկ տվիչ է տեղադրված, որը նվազագույնը կհետևի զարկերակի ռիթմին։ Երկու հավելյալ բացվածք էլ կա, որոնք կարող են օգտագործվել լիցքավորելու համար։
![](https://ittrend.am/wp-content/uploads/2020/05/EXOJ-n0XQAAfO2V_large-1024x195.jpg)
![](https://ittrend.am/wp-content/uploads/2020/05/EXOJ-n1XkAU_xhx_large-1024x195.jpg)
Ընկերությունը Vivo Watch ապրանքանիշը պատենտավորել է դեռ փետրվարին։ Լուրեր կան, որ ժամացույցը համալրված կլինի էլեկտրոսրտագրության (ЭКГ) և զանգերի հնարավորություններով, սակայն այս տեղեկատվությունն ընկերությունը ոչ մի կերպ չի մեկնաբանում։
Ժամացույցը շուկա կմտնի ընթացիկ տարում։