ВКонтакте սոցիալական ցանցը կներկայացնի անվճար խմբային տեսազանգերի գործառույթ. տեսազանգերին միաժամանակ կկարողանա մասնակցել 2048 մարդ:
Այս մասին տեղեկանում ենք սոցիալական ցանցի տարածած մամուլի հաղորդագրությունից:
Խմբային զանգերը տևողության սահմանափակումներ չեն ունենա, և կորպորատիվ առցանց խորհրդաժողովի ծառայությունների բոլոր ստանդարտ գործառույթները, այդ թվում՝ էկրանի ցուցադրումը, զանգի ձայնագրումը և հեռարձակումը, նույնպես անվճար կլինեն:
Սոցիալական ցանցի մշակողները հավելել են նաև, որ զանգերի ընթացքում կգործի «աղմուկի չեղարկման» գործառույթը, և տեսազանգի մասնակիցները կկարողանան միմյանց լսել «նույնիսկ այն ժամանակ, երբ փողոցում բզզոց է, մեքենաների ձայն կամ եթե հարևանները հանկարծ վերանորոգում են սկսում»:
Գործառույթը հասանելի կլինի 2021-ի ամռանը:
ВКонтакте-ում խմբային տեսազանգերը հայտնվել են 2020 թվականի մայիսին: Սկզբնապես դրանցում կարող էր մասնակցել մինչև ութ մարդ, իսկ սեպտեմբերին այդ թիվը հասել էր 128-ի: