Microsoft ընկերությունը հունիսի 24-ին կներկայացնի Windows-ի նոր տարբերակը: Այս մասին տեղեկացնում է Bloomberg գործակալությունը:
Շնորհանդեսի ժամանակ ելույթ կունենան Microsoft-ի գլխավոր տնօրեն Սաթյա Նադելլան և արտադրանքի գծով գլխավոր տնօրեն Պանոս Պանայը:
Նոր ծրագրային ապահովումը կներառի ինտերֆեյսի դիզայնի փոփոխություններ, ստեղծողների և մշակողների համար լրացուցիչ հնարավորություններ Windows app store-ի միջոցով, ինչպես նաև օգտվողների և համայնքների միջև կապերն ավելի հեշտ կառուցելու եղանակներ:
Ծրագրային ապահովումն ի սկզբանե կտարածվի Windows-ի փորձարկողների շրջանում, որոնք գրանցվել են՝ ներկայացումից հետո նոր ապրանքներ փորձարկելու համար: Պաշտոնական թողարկումը նախատեսված է աշնանը:
