Google ընկերությունը հնարավոր է փոխի իր Google+ սոցցանցի նշանակությունը, գրում է The Verge տեխնոբլոգը՝ հղելով ընկերության նախագծողների հաղորդագրությանը:
Վերջիններս հաղորդել են տեխնոբլոգին, որ որոշ կայքերում նախագծող ռեժիմում Google+ մուտք գործեկու կոճակը փոխված է Google-ի ընդհանուր ծառայություններ մուտք գործելու կոճակով:
Ըստ տեխնոբլոգի, Google-ը հավանաբար նպատակ ունի փոխել իր սոցցանցի կոնցեպցիան: Այս մասին է վկայում հատկապես վերջին փոփոխությունը՝ Վիկ Գունդոթրայի հեռացումը ընկերությունից, ով սոցցանցի ղեկավարն էր և հիմնական գաղափարախոսը:
Նշենք, որ վերջերս նաև TechCrunch տեխնոբլոգն էր գրում, որ Google-ը կփոխի սոցցանցի կոնցեպցիան և այդ կերպ Google+-ը այլև չի մրցակցի Facebook-ի կամ Twitter-ի հետ: Մասնավորապես, տեխնոբլոգը գրում էր, որ ընկերությունը կդադարեցնի Google+ ինտեգրացիան մնացյալ Google ծառայությունների հետ:
Աղբյուրը՝ theverge.com
