Facebook-ը կնվազեցնի մեդիա հրապարակումների ցուցադրությունները

Facebook-ը կնվազեցնի մեդիա հրապարակումների ցուցադրությունները

Facebook-ը փոխում է իր լրահոսի աշխատքային մեխանիզմը։ Սոցցանցի լրահոսում այսուհետև կնվազեն բիզնեսների, բրենդների և մեդիաների հրապարակումները: Այս մասին հայտնել է Մարկ Ցուկերբերգն իր էջում։

Նրա խոսքով` լուրերի ու բիզնես հրապարակումները խոչընդոտում են օգտատերերի միջև միջանձնային շփումներին և այս քայլով ցանկանում են խթանել սոցիալական ցանցը հենց այդ նպատակով օգտագործելը։ Facebook-ի հիմնադիրը նշել է, որ այժմ իրենց նպատակն է օգնել ավելի իմաստալից սոցիալական փոխազդեցություններ հաստատել: Ըստ նրա` իրենց հետազոտությունները ցույց են տվել, որ ընկերների ու մտերիմների հետ ավելի հաճախ շփումը կարող է նպաստել օգտագերերի բարեկեցությանը։ Սա կօգնի միայնակ չզգալ սոցցանցում, ավելի երջանիկ ու առողջ լինել։

«Մենք մեր համայնքից արձագանք ենք ստացել, որ բիզնեսների, բրենդների և մեդիաների հրապարակումները ճնշում են միջանձնային շփումները։ Նման փոփոխություններ ներմուծելով՝ ես ակնկալում եմ, որ մարդիկ ավելի քիչ ժամանակ կսկսեն անցկացնել Facebook-ում, կնվազի կայքի այցելությունների համար առիթների քանակը: Սակայն ես ակնկալում եմ, որ ժամանակը, որը դուք անցկացնում եք Facebook-ում, ավելի արժեքավոր և օգտակար կդառնա»,- գրել է Ցուկերբերգը։

Նշենք, որ փոփոխությունները տեղի կունենան առաջիկա շաբաթների ընթացքում, այս ուղղությամբ աշխատանքները մեկնարկել են մեկ տարի առաջ։

One of our big focus areas for 2018 is making sure the time we all spend on Facebook is time well spent.We built…

Posted by Mark Zuckerberg on Donnerstag, 11. Januar 2018