Շատերն իրենց տանն ունեն հին չօգտագործվող LCD մոնիտոր, որը պատրաստվում են դեն նետել: Ետ կանգնեք անօգուտ էկրանից ազատվելու մտքից, որովհետև կարող եք դրանից ստանալ իսկական լրտեսական մոնիտոր: Բոլորի համար այն կլինի սովորական սպիտակ էկրան, բայց ոչ Ձեզ համար, որովհետև դուք կունենաք հատուկ «կախարդական» ակնոց: Ձեզ պետք է միայն երկու հին ակնոց, դանակ թղթի համար և լուծիչ ներկի համար:
Ահա անհրաժեշտ պարագաների լիարժեք ցուցակը.
Հին LCD մոնիտոր
Միանգամյա օգտագործման 3D ակնոց կինոթատրոնից, կամ հին արևային ակնոց
Դանակ թղթի համար
Պտուտակահան
Անձեռոցիկ
Սոսինձ
Քայլ 1. Վերցրեք մոնիտորը
Գտեք հին մոնիտորը, որը պատրաստ եք զոհաբերել այս փորձարկման համար: Հանեք պլաստիկ պատյանը պտուտակահանի միջոցով:
Քայլ 2. Կտրեք բևեռացնող թաղանթը
LCD մոնիտորների մեծամասնությունը էկրանի ապակու վրա ունի երկու ծածկող թաղանթ՝ բևեռացնող թաղանթ՝ գույնը ֆիլտրացնելու համար, որը տեսանելի չէ և հակաշողային թաղանթ: Երկրորդը մեզ պետք չէ, իսկ առաջինը մենք կօգտագործենք մեր ակնոցում: Այժմ պետք է վերցնել դանակը և կտրել թաղանթները մինչև էկրանի ծայրերը: Մի վախեցեք ճնշել, մետաղը չի թողնի հետքեր ապակու վրա, եթե նրա հետ փոշի կամ այլ օբյեկտներ չկան: Ոչ բոլոր մոնիտորների վրա են սոսնձված այս երկու թաղանթները, շատերի վրա դրանք ուղղակի դրված են և եթե հանեք մատրիցայի պաշտպանից մետաղական ծայրերը, ապա դրանք կարելի է հանել առանց կտրելու: Թաղանթները հանելուց հետո չմոռանաք պահել բևեռացնող թաղանթը:
Քայլ 3. Մաքրեք էկրանը սոսնձող նյութից
Թաղանթը հանելուց հետո հնարավոր է, որ էկրանին սոսնձի հետքեր մնան: Անցնում ենք կեղտոտ աշխատանքին: Մաքրեք էկրանը լուծիչի և անձեռոցիկի միջոցով: Եղեք ուշադիր, հետևեք, որ լուծիչը չանցնի պլաստիկ պատյանի մեջ:
Քայլ 4. Մոնիտորի հետ աշխատանքը վերջացված է
Էկրանը մաքրելուց հետո կարելի է սկսել հավաքել մոնիտորը: Մինչ ակնոցի պատրաստումը դուք կարող եք պատկերացնել սպասվող էֆեկտը բևեռացնող թաղանթի միջոցով:
Քայլ 5. Հեռացրեք հին ապակիները
Հանեք հին ակնոցի ապակիները, քանդեք ակնոցը, եթե հնարավոր է:
Քայլ 6. Հավաքում ենք ակնոցը և վայելում
Բևեռացնող թաղանթից կտրեք ակնոցի ապակիների չափով և ձևով երկու մաս: Այնուհետև տեղադրեք դրանք ակնոցի վրա: Մարդիկ կարող են մտածել, որ դուք խելագար եք, որը արևային ակնոցով նայում է սպիտակ էկրանին, սակայն դա ավելի զվարճալի է դարձնում ձեր աշխատանքի արդյունքը:
Աղբյուր՝ Habrahabr
