Թեև շատերը սպասում էին, որ Apple iPad Air-ը և iPad mini 2-ը համալրված կլինեն մատնահետքի սենսորով, սակայն սպասումները չարդարացան: Այնուամենայնիվ, վերջերս ցանցում են հայտնվել երրորդ սերնդի iPad mini-ի նախատիպի նկարները, որն ունի Touch ID սենսոր:
Լուսանկարը հրապարակել է Nowherelse.fr կայքը, որի փոխանցմամբ՝ պլանշետը պատրաստ կլինի ոչ ավելի շուտ, քան հաջորդ տարվա աշնանը: Լուսանկարի հավաստիությունը հնարավոր չէ ստուգել, քանի որ հենց սկզբնաղբյուրը համոզված չէ, որ այն կեղծ չէ:
Հիշեցնենք, որ երկրորդ սերնդի iPad mini-ն ունի 2048х1536 կետայնությամբ Retina էկրան, 7,9 դյույմ անկյունագիծ, 64 բիտային Apple A7 պրոցեսոր, 5 մպ հիմնական և Full HD դիմային տեսախցիկ: Ավտոնոմ ռեժիմում սարքն աշխատում է մինչև 10 ժամ:
Աղբյուրը՝ Nowherelse.fr