BlueOak Resources կալիֆորնիական նորաստեղծ ընկերություն նպատակ ունի հին էլեկտրոնիկայից ստանալ թանկարժեք մետաղներ՝ ոսկի, արծաթ, պլատին և այլն: «Մենք պատրաստվում ենք զբաղվել հին էլեկտրոնիկայի վերամշակմամբ, և որպեսզի այդ գործընթացը հնարավորինս արդյունավետ դառնա, պատրաստվում ենք օգտագործել արտադրության ոլորտի անցած տարիների փորձը»,- ասվում է ընկերության պաշտոնական կայքում:
BlueOak-ի մասնագետներն արդեն ձեռք են բերել գերժամանակակից վերամշակող սարքեր, որոնք կտեղադրվեն Արկանզաս նահանգում գտնվող գործարանում: Աշխատանքը կմեկնարկի 2015թ., ընդ որում՝ ընկերությանը մեկնարկային կապիտալի համար Արկանզասի թոշակային ֆոնդից տրամադրվել է $35 մլն դոլար։
Նշենք, որ ԱՄՆ-ում ամեն տարի դեն են նետում 3,2 մլն տոննա անպիտան տեխնիկա։
Աղբյուրը՝ ArsTechnica.org
