35 տարի առաջ Sony ընկերությունը հեղափոխություն արեց երաժշտական ինդուստրիայի ոլորտում. 1979թ. հուլիսի մեկին ընկերությունը թողարկեց առաջին Walman շարժական նվագարկիչը, որը թույլ էր տալիս լսել սիրելի երաժշտությունն՝ առանց մյուսներին խանգարելու:
Թվային տեխնիկայի տարածման պատճառով Sony-ն 2010-ին դադարեցրեց ձայներիզներով Walkman-ի թողարկումը:
1979-ին թողարկված TPS-L2 մոդելը առաջին նվագարկիչն էր, որը ներկայացվեց Walkman ապրանքանիշի ներքո: Սա առաջինը չէր իր տեսակի մեջ. գերմանացի-բրազիլացի գյուտարար Անդրեաս Պավելը 1972-ին արդեն ստեղծել էր նմանատիպ սարք, սակայն այն հնարավոր չէր ձեռք բերել: Նվագարկիչը արտոնագրվել էր, այդ պատճառով 1980-ին Sony-ն սկսեց բանակցել Պավելի հետ՝ լիցենզիաների վերաբերյալ վեճերը պարզելու համար, որոնք ավարտվեցին միայն 2003-ին:
1981թ. թողարկվեց Walkman II նվագարկիչը, որը նույնպես վաճառվեց հաջողությամբ: Սակայն այդ ժամանակ նվագակիչը քիչ էր պաշտպանված, և պետք էր շատ զգույշ վարվել: 1984-ին թողարկվեց Sports Walkman WM-F5 մոդելը, որն արդեն ուներ պլաստիկ կաղապար, որը պաշտպանում էր նվագարկիչը ջրից և փոշուց:
Walkman նվագարկիչներն ու CD-player-ները կորցրին իրենց արդիականությունը թվային դարաշրջանում և տեղը զիջեցին iPod player-ներին:
Աղբյուրը՝ cnn.com
