Mercedes-Benz ընկերությունը Լոս Անջելեսում կայացած ավտոշոուի ժամանակ ներկայացրել է G-Code կոնցեպտը, որն իրենից ներկայացնում է հիբրիդ՝ աշխատում է էլեկտրաշարժիչով և ջրածնով։
Ավտոմեքենայի առանձնահատկությունը «խելացի» ներկն է, որը ծառայում է որպես արևային մարտկոց, բացի այդ՝ մեքենան կարողանում է կուտակել քամու էլեկտրաստատիկ էներգիան։ Ամբողջ այս էներգիան ուղղվում է էլեկտրաշարժիչ, որը պատասխանատու է ետևի անիվների աշխատանքի համար։
G-Code-ի օդափոխման համակարգում ներդրված է թթվածնի գեներատոր։ Մոդելն, ամենայն հավանականությամբ, վաճառքի դուրս չի գա և կմնա որպես ցուցադրական օրինակ։ Իսկ դրանում մշակված տեխնոլոգիաները կօգտագործվեն այլ մեքենաների մոդելներում։
Աղբյուրը՝ http://www.lookatme.ru/
