Առաջին ինքնավար ավտոմեքենաները, որոնք պատրաստվում են փորձարկել Լոնդոնի փողոցներում, կհիշեցնեն ULTra POD անունն ունեցող էլեկտրական երթուղային տաքսիներին, որոնք այժմ օգտագործվում են Հիդրոու օդանավակայանում: Մշակողների խումբը, որն պատասխանատու է այս ծրագրի իրականացման համար, այժմ զբաղված է ավտոմեքենաների ադապտացման աշխատանքներով, որպեսզի դրանք հարմարեցվեն Լոնդոնի փողոցներին:
Ավտոմեքենաների վերջնական տեսքը դեռևս հաստատված չէ: Ութ միլիոն ֆունտ ստեռլինգ արժողությամբ այս նախագիծը համաֆինանսավորվել է Innovate UK և արդյունաբերական այլ կազմակերպությունների կողմից:
Ինքնավար փոխադրամիջոցների պատրաստման և փորձարկման համար պատասխանատու է Westfield Sportscars ընկերությունը, իսկ Heathrow Enterprise-ն զբաղվում է վերջիններիս ծրագրային ապահովմամբ, Oxbotica-ն տրամադրում է քարտեզագրական ծառայություններ և երթևեկության անվտանգությունն ապահովող հատուկ սենսորներ:
Ավտոմեքենաների փորձարկման համար հատկացվել է երեք ամիս: Սարքերը նախատեսված կլինեն վեց ուղևորների համար, սակայն, ըստ ամենայն հավանականության, դրանց մեջ ներկա կլինեն հատուկ աշխատակիցներ, որոնք կապահովեն մարդկանց անվտանգությունը արտակարգ իրավիճակների ժամանակ:
Աղբյուրը` BBC
