OnePlus 6 սմարթֆոնի տեսախցիկը, պարզվում է այնքան լավն է, որ Vogue Indian ամսագրի շապիկի նկարը հենց այս սմարթֆոնով է արվել։ Այս մասին հայտնել են ամսագրի ներկայացուցիչները իրենց Instagram–ի պաշտոնական էջում։
Սա ամսագրի առաջին փորձն է շապիկի նկարը չինական արտադրության սմարթֆոնով լուսանկարելու հարցում։ Նախկինում նման փորձարկումները հիմնականում կատարու էին iPhone–ով։ Նկարի որակից դատելով` տպագրությունը չի սխալվել։
Դետալիզացիայի համակարգը OnePlus 6–ում, իսկապես զարմացնում է։ Լուսանկարում առանձնացված ու հստակ են երևում անգամ ամենափոքր դետալները։
Լուսանկարը փաստում է այն մասին, որ OnePlus–ը կարողացել է ստանալ այնպիսի տեսախցիկ, որն այժմ կարող է վստահաբար մրցակցել iPhone–ի հետ։
OnePlus 6–ը պաշտոնապես կներկայացվի մայիսի 16–ին։ Գաջեթը ունենալու է 8 միջուկանի Snapdragon 845 պրոցեսոր։
