Հրապարակվել է Apple-ի նոր պատենտը, որտեղ նկարագրվում է երկակի ֆոտոխցիկն այլ կերպ օգտագործելու նոր տեխնոլոգիան: Ըստ AppleInsider-ի տեղեկությունների, շուտով iPhone-ի երկակի տեսախցիկով հնարավոր կլինի միաժամանակ երկու լուսանկար ստանալ: Տեսախցիկի ներկայիս հնարավորություններն օգտատերերին թույլ են տալիս լուսանկարելիս առանց կադրի որակի կորստի օբյեկտը երկու անգամ մեծացնել։
Համապատասխան ռեժիմում տեսախցիկը գործարկելիս` օգտատերերը երկու օպտիկայով կտեսնեն նույն կադրը, բայց տարբեր ռակուրսներից: Այս ռեժիմում տեսախցիկները կարելի է կարգավորել առանձին-առանձին:
Նոր գործառույթները հասանելի կլինեն նաև տեսահոլովակներ նկարահանելու համար:
