Apple–ը պատրաստվում է iOS համակարգում այնպիսի տեխնոլոգիա կիրառել, որը թույլ չի տա կոտրել iPhone–ները` Lightning–ի միջոցով։
Reuters–ի փոխանցմամբ, ընկերության այս քայլը բավական հակասական է, քանի որ նման ձևով սմարթֆոնները կոտրում է միայն ոստիկանությունը։ Ներկայումս ԱՄՆ–ի անվտանգության մարմինները մեծ քանակով GrayKey ` iPhone կոտրելու սարք են գնում։
Ինչպես պարզ է դառնում, շուտով այդ սարքով սմարթֆոն կոտրել չի լինի։ Արդեն iOS 12–ի բետա տարբերակում կա գործառույթ, որը Lightning բնիկի դեակտիվացման մասին է խոսում։ Նման գործառույթներ նաև նկատվել են ավելի վաղ` iOS 11–ում։
Ընկերությունը այս քայլին է դիմել, քանի որ որոշ երկրներում ոստիականությունը առանց օգտատերերին հարցնելու կամ նրանց կարծիքը հաշվի առնելու կոտրում է սմարթֆոնները։
Իսկ GrayKey սարքերը կարող են օգտագործել նաև հետախուզողները, հանցագործները և այլն։