Nokia-ն և չինական China Mobile-ը 1 միլիարդ եվրո արժողությամբ գործարք են կնքել։ Պայմանագիրը մեկ տարի ժամկետ ունի։ Այդ մեկ տարում ֆիննական ընկերությունը կօգնի China Mobile–ին յուրացնել նոր սերնդի ցանցերը և կապի ծառայություններ մատուցել նոր տեխնբոլոգիաներով։
Nokia-ն ընկերությանը նաև կտրամադրի շարժական և անշարժ ռադիոկապի ենթակառուցվածք, կապի օպտիկական գծեր և IP երթուղայնացման տեխնոլոգիաներ։
Ընկերությունները մտադիր են խորացնել համագործակցությունը և ուսումնասիրություններ կատարել նոր արտադրանքի սպառման շուկայում։
