London Business School Վենչուրայի ինստիտուտի հիմնադիր, ինչպես նաև International Private Equity գրքի համահեղինակ Պրոֆ. Էլի Թալմորը (Eli Talmor) կարճատև այց է ունեցել Հայաստան։
Պրոֆ. Տալմորը այցելել էր Հայաստան մասնակցելու Sevan Startup Summit 2018-ին և խիստ տպավորված էր Հայաստանի բարձր տեխնոլեգիական կարողություններով, Երևանի գեղեցկությամբ, հայերի հյուրասիրությամբ ու բարությամբ:
Այս մասին տեղեկանում ենք ՀՀ կապի, տրանսպորտի և ՏՏ նախարարի առաջին տեղակալի ֆեյսբուքյան պաշտոնական էջից։
Այցի ընթացքում Էլի Թալմորը նախարարության ներկայացուցիչների հետ քննարկել է
համալսարանական կրթության մեջ բիզնես (ձեռներեցության կոմպոնենտի) ներդրման նշանակությունը և կարևորությունը մանավանդ՝ Պոլիտեխնիկական համալսարանում:
Ինչպես նաև քննարկվեցին Լոնդոնի բիզնես դպրոցի և Պոլիտեխնիկական համալսարանի հնարավոր համագործակցության հարցը։
Անմասն չմնաց նաև Հայկական ազգային վենչուրային ֆոնդի ստեղծման ծրագիրը, որի ուղղությամբ քննարկումները բոլոր շահառուների հետ շարունակվում են: Պրոֆեսորը կարծիք հայտնեց, որ գաղափարը հրաշալի է և անհրաժեշտ է հնարավորինս շուտ իրականացնել այն:
Հ.Գ Թե ինչ ազգային վենչուրային հիմնադրամի մասին է խոսքը, կարդացեք Ittrend.am–ի` նախարարի առաջին տեղակալի հետ անցկացրած հաջորդ հարցազրույցում։