Կերակրի սոդա արտադրող բաշկիրական ընկերությունը հրապարակել է կերակրի սոդայի տուփի նոր դիզայնը, որը նման է iPhone X-ին։ Դիզայներներները տուփի վրա պատկերել են խնձորային բրենդի էկրանի հայտնի կտրվածքը։ Սոդայի նոր տուփի շնորհանդեսը տեղի է ունեցել դեռ հոկտեմբերին, սակայն համացանցի օգտատերերը նոր են նկատել այն։ Ըստ նրանց, նոր դիզայնն ամբողջությամբ կրկնօրինակում է iPhone X-ի և XS, XS Max և XR մոդելների դիզայնը։
Իսկ իրականում նման դիզայնը նախագծվել է սոդայի տուփն ավելի հեշտ օգտագործելու համար։