Samsung Galaxy A8s-ի շնորհանդեսի ժամանակ ընկերությունը հայտարարել է, որ պատրաստվում է համագործակցել Supreme հագուստի բրենդի հետ: Ըստ Supreme-ի, սա սուտ տեղեկատվություն է և Samsung-ի մարքետինգի բաժնի պատասխանատուները ստիպված են եղել արդարանալ:
Samsung-ը հայտարարել էր, որ Supreme-ի հետ միասին ֆլագմանային խանութ են պատրաստվում բացել Չինաստանում: Բացի այդ ընկերությունը հայտնել էր, որ կմասնակցեն Mercedes-Benz-ի ցուցահանդեսին:
Դրանից հետո Supreme-ի Instagram-ի էջում հայտարարություն էր հայտնվել, որում ասվում էր, որ ընկերությունը չի աշխատում Samsung-ի հետ և միասնական ուժերով ոչ մի միջոցառում չի կազմակերպելու:
Դրանից հետո պարզվել է, որ Samsung-ը համագործակցումէ Supreme Italia-ի հետ, որն իսկապես հագուստ է արտադրում,. բայց դրանք Supreme բրենդի կրկնօրինակներն են: Սա դարձել է հնարավոր, քանի որ Supreme-ն չի գրանցել իր բրենդը մյուս երկրներում: