The Information պարբերականը, հղում կատարելով իր աղբյուներին, նշում է, Intel-ի և Apple-ի հակամարտությունը սկսել է նախքան 5G մոդեմներին հասնելը։ 2017 թվականի սկզբին Intel-ը պարտավորվել էր Apple-ին LTE մոդեմներ մատակարարել՝ 2018-ին արտադրվելիք սմարթֆոնների համար։
Intel-ը մի քանի անգամ փոփոխել է մոդեմները և, կարելի է ասել, հրաշքով է շրջանցել պատվերը չեղարկելու փուլը։
Apple-ը նախկինում գնումներ էր կատարում Intel-ից և Qualcomm-ից և վերջինիս տեխնիկական կարողությունները քչացնում էր, որպեսզի Intel-ի անորակ արտադրանքը չերևա։ Ժամանակի ընթացքում հարաբերությունները Qualcomm-ի հետ վատացան և iPhone XS, XS Max և XR գաջեթների համար մոդեմներ խնձորային բրենդը գնեց Intel-ից։ Intel-ի և Apple-ի հարաբերությունները սրվեցին, երբ հայտնի դարձավ, որ 5G մոդեմ արտադրող ընկերությունը ի վիճակի չէ ժամանակին թողարկել դրանք։
Սա ստիպեց, որպեսզի Apple-ը վերանայի իր և Qualcomm-ի հարաբերությունները։ Ըստ աղբյուների, այս պատճառով էլ Կուպերտինոյի ընկերությունը հակված է սեփական 5G մոդեմները ունենալուն, որոնք հասանելի կլինեն մոտ 2025 թվականին։
